विराटनगर, १ जेठ ।
बुढीगंगा गाउँपालिकामा रहेको नरग्राम माध्यामिक बिद्यालय नमुना बिद्यालयहरुमा परेसँगै भोतिक संरचना निर्माणको काम शुरु गरेको छ । टंकीसिनवारी चौकमा रहेको नरग्राम माध्यामिक बिद्यालयले नमुना बिद्यालयको सुचिकृतमा परेपछि त्यसको लागि आबस्यक पर्ने भौतिक पुर्बाधारका कामहरु शुरु गरेको हो । पहिलो बर्ष बिद्यालयका लागि आएको एक करोड ६५ लाख खर्च गर्नका लागि काम शुरु भएको हो ।
बुढीगंगा गाउँपालिका वडा नम्बर १ मा रहेको करिब ४ बिगाहा १५ कठ्ठा क्षेत्रफलमा फैलिएको जग्गामा पहिलो चरणमा ४ कोठे भवनको सिलान्यास गरिएको हो । नेपाली कांग्रेसका नेता डा शेखर काईरालाले गर्नु भएको सिलान्याससँगै आजैदेखि नमुना बिद्यालयको बजेट कार्यान्वयनको काम शुरु भएको हो ।
सिलान्यास गरिएको स्थलमा ४८ कोठा भएको कक्षा कोठा भवन, अडिटोरियम हल, एक सय छात्र र एक सय छात्रा अट्ने होस्टेल, कबर्डहल, आईसीटी ल्याव, संग्राहलय, प्रशासनिक भवन सहित फुटवल खेल मैदान निर्माण हुने छ ।
नरग्राम माध्यामिक विद्यालयका प्रधानाध्यापक भिमबहादुर बस्नेतले बिद्यालयले निर्माण गरेको डिपिआरका आधारमा पाँच बर्ष भित्रमा पुर्बाधारले सम्पन्न बिद्यालय निर्माण हुने बताए । नेपाल सरकारबाट स्थानीय तह बुढीगंगा गाउँपालिकालाई पठाएको १ करोड ५० लाख र शिक्षा विकास तथा समन्वय ईकाईबाट प्राप्त १५ लाख गरी यो बर्ष मात्र नमुना बिद्यालयको भौतिक पुर्बाधार निर्माणमा १ करोड ६५ लाख प्राप्त भएको बस्नेतले जानकारी दिए ।
नेपाल सरकारले नुमना बिद्यालयको रुपमा घोषणा गरेसँगै नमुना बिद्यालय गुरुयोजना निर्माणका लागि गाउँपालिकाले स्वीकृती प्रदान गरेपछि एभरसेफ ईन्जिनियरिङ कन्सल्टेन्सीले डिपिआर तयार पारेको थियो । त्यस्तै गुरुयोजना अनुसार वडा नम्बर २मा रहेको ४ बिगाहा जग्गा मध्ये २ बिगाहामा प्रयोगशाला सहितको कृषि फर्म, १ बिगाहामा स्वीमिङपुल निर्माण हुने छ भने बाँकी जग्गामा प्रशानिक र कृषिको प्रयोगात्मक भवन निर्माण गर्ने योजनामा बिद्यालयको रहेको बिद्यालय ब्यवस्थापन समितिका अध्यक्ष माधव कोईरालले जानकारी दिए ।
देशभरका २ सय २२ बिद्यालय मध्ये मोरङ जिल्लाका ७ बिद्यालय नमुनाको रुपमा रहेका छन् । केही बिद्यालयहरु विवादका बिचमा काम गर्न सकेका छैनन् भने केही बिद्यालयहरुले आएको रकम समेत खर्च गर्न सक्ने अबस्था देखिएको छैन ।
