काठमाडौं, ५ जेठ । झापाको काकडभिट्टाबाट काठमाडौंका लागि छुटेको यात्रुबाहक बस त्रिशुली नदीमा खसेको छ। धादिङको गजुरी गाउँपालिका ६ बन्छेटारको जरेखेत भन्ने स्थान नजिक ना ७ ख ४३८७ नम्बरको बस त्रिशुलीमा खसेको हो। दुर्घटनामा ४ जनाको मृत्यु भएको छ।
जिल्ला प्रहरी कार्यालय घादिङकाअनुसार दर्घटनामा २५ भन्दा बढी घाइते भएका छन्। घाइतमध्ये केहीको अवस्था गम्भीर रहेको र उनीहरुलाई थप उपचारका लागि काठमाडौं पठाइएको छ भने केहीको स्थानीय स्वास्थ्य संस्थामा उपचार भइरहेको छ। घाइतेहरुको उद्दार कार्य जारी रहेको प्रहरीले जनाएको छ। बसमा कति यात्रु थिए भन्ने अझैं यकिन हुन सकेको छैन।
