काठमाडौं जेठ १९ । अमेरिकाको भिसाका लागि निवेदन दिनेहरुले आफ्नो सामाजिक सञ्जालको विस्तृत विवरणसमेत पेश गर्नुपर्ने भएको छ ।
अमेरिकी विदेश विभागले भिसाका लागि निवेदन दिने व्यक्तिले सामाजिक सञ्जालको नाम, पाँच वर्ष अवधिका ईमेल आइडी र फोन नम्बरहरु पेस नियम जारी गरेको हो ।
गतवर्ष यस सम्बन्धी प्रस्ताव पेश गरिएका बेला यसबाट वार्षिक १ करोड ४७ लाख मानिस प्रभावित हुने आँकलन गरिएको थियो ।
केही कूटनीतिक र सरकारी अधिकारीले भने भिसा निवेदन दिँदा यस्तो जानकारी पेश गर्नुपर्ने छैन ।
तर काम तथा अध्ययनका लागि अमेरिका जान चाहनेले भने सम्पूर्ण जानकारी पेश गर्नुपर्ने छ ।
अमेरिकी नागरिकको सुरक्षाका लागि स्क्रिनिङ प्रक्रिया परिस्कृत गर्ने योजना अनुसार नयाँ नियम लागू गरिएको बताइएको छ ।
