काठमाडौं, २१ जेठ। नेपालमा महाभूकम्प आउँछ भन्दै भविष्यवाणी गरेर जनमासलाई त्रसित बनाएको आरोपमा अर्जुन क्षेत्री पक्राउ परेका छन् ।
३६ वर्षीय क्षेत्रीलाई गौशाला क्षेत्रबाट पक्राउ गरिएको महानगरीय प्रहरी परीसर काठमाडौंका डिएसपी होविन्द्र वोगटीले बताए ।
क्षेत्रीले युट्यूव भिडियोमार्फत् जेठ महिनाभित्र विनाशकारी भूकम्प जाने भविष्यवाणी गर्दै आएका थिए । सर्वसाधारणमा भ्रम सिर्जना गरी अफवाह फैलाएको आधारमा उनीमाथि कारवाही प्रक्रिया अगाडि बढाइएको वोगटीले बताए ।
