सर्लाही, १४ असार । सर्लाहीको लालबन्दीमा गोली चलेको छ । अज्ञात मान्छेको गोली प्रहरबाट एक जना श्रमिक घाइते भएका छन् ।
शनिबार दिउँसो साढे १२ बजे वडा नं. १ नवलपुरमा अज्ञात व्यक्तिले गोली प्रहार गर्दा सोहि वडा बस्ने ३० वर्षिय जयनाथ महतो घाईते भएका हुन । महतो सोही वडामा मन्दिर निर्माणको काम गरिरहेको समयमा नम्बर नखुलेको मोटरसाइकलमा दुई जना सवार व्यक्तिले गोली चलाउँदा महतोको दाहिने हातको पाखुरामा गोली लागि घाइते भएका हुन् ।
महतोलाई नवलपुर रहेको अस्पतालमा प्राथमिक उपचार पश्चात थप उपचारको लागि वीरगञ्जतर्फ लगिएको जिल्ला प्रहरी कार्यालयका प्रहरी प्रवक्ता तथा डिएसपि प्रतित सिंह राठोरले जानकारी दिए । अज्ञात ति दुई व्यक्ति गोली हानी जङ्गलको बाटो भएर भागेको अभियुक्तहरुलाई खोजी कार्य भइरहेको प्रहरी प्रवक्ता राठोरले बताए ।
