प्रेम देवान
विराटनगर २५ असार । विराटनगरको शहिद रङ्गशालामा भोलीदेखी हुन लागेको मुख्यमन्त्री कप प्रदेश लिग फुटबल प्रतियोगिताको पुर्व सन्ध्यामा खेल मैदान वर्षाका कारण जलमग्न भएको छ ।
प्रदेश सरकारले चालु आर्थिक वर्षकै बजेटबाट मुख्यमन्त्री कप प्रदेश लिग फुटबल प्रतियोगिताको सम्पुर्ण तयारी गरिरहदा खेल मैदानमा भारी वर्षाका कारण खेल मैदान परिवर्तन हुन सक्ने सम्भवना देखिएको छ । गएरातीदेखी नै परेको अविरल वर्षाका कारण विराटनगर सहिद रङ्गशालाको खेल मैदानमा जलमग्न भएको छ । यसका लागी अहिले आयोजक कमिटीको आकस्मिक बैठक बसिरहेको खेल प्रचार प्रसार संयोजक रोहित कोईरालालले जानकारी दिए । प्रतियोगीताको सम्पुर्ण कार्य अन्तिम चरणमा आईपुगेको बेला अचानक वर्षाका कारण मैदानमा पानी जमेका कारण खेल मैदान परिवर्तन हुन सक्ने कोईरालाले जानकारी दिए ।
‘यसका लागी अहिले हामी आन्तरिक बैठकमा छौ , अब के निष्र्कष निस्कन्छ हेरौ ।’आज हामीले ३ बजे प्रतियोगिताको अन्तिम चरण बारे पत्रकार सम्मेलन पनि राखेको छौ । मुख्यमन्त्री कप प्रदेश लिग फुटबल प्रतियोगितामा २०७६ को अन्तिम चरणको लिग र फाइनल खेल भोलि उद्घाटन गर्नको लागि लगभग सम्पूर्ण तयारी भईसकेको थियो । ‘अन्तिम चरणमा रहेको बेला प्रतियोगिता स्थल सहिद मैदानमा जमेको पानीको उचित निककास नहुँदा हामी आफै समस्यामा परेका छौ ।’ पानी रोकीएन भने धरान रङ्गशालामा प्रतियोगीता सर्न सक्छ । प्रतियोगीतामा ६ वटा क्लव सहभागीता रहने छ ।
तस्वीर सौजन्य ः रोहित कोईराला
