विराटनगर । पुष्पलाल चोकमा कार्यररत प्रहरी सहायक निरीक्षक (असई) गणेश दाहाल साउन महिनाको उत्कृष्ट प्रहरी बनेका छन् । विभागीय नीति अनुसार व्यवसायिक रुपमा लगनशिल, कर्तव्यनिष्ठ एवंम जिम्मेवारी पुर्वक कार्य गरेको भन्दै साउन महिनाको पुलिस अफ द मन्थ घोषणा भएका हुन् । 
उनले सवारी दुर्घटना न्यूनिकरणमा प्रभावकारी ट्राफिक व्यावस्थापन मिलाएको, सरोकारवालासँग समन्वय, आम सडक प्रयोगकर्तालाई ट्राफिक नियम सम्बन्धी चेतना अभिवृद्धी गराउने लगायतका काम गरेकोको भन्दै उनलाई उत्कृष्ट प्रहरीको रुपमा घोषणा गरिएको हो ।
त्यसैगरी पुष्पलाल चोक क्षेत्रका २ स्थानमा ट्राफिक आईलेण्ड र विभिन्न स्थानमा डमी ट्राफिक राख्ने जस्ता सृजनशिल कार्यमा सक्रिय भुमिका निर्वाह गरेको भन्दै उनलाई महिनाको उत्कृष्ट प्रहरीको छनौट गरिएको एक नम्बर प्रदेश ट्राफिक प्रहरी कार्यालय ईटहरीले जनाएको छ ।
