विराटनगर । मानव बेचबिखन तथा ओसारपसार विरुद्धको १३ औं राष्ट्रिय दिवसको अवसरमा बिभिन्न कार्यक्रमको आयोजना गरिएको छ । विराटनगर महानगरपालिका वडा नम्बर १५ को समन्वय , ईलाका प्रहरी कार्यालय रानीको सहकार्य र आफन्त नेपालको आयोजनामा विद्या बिकास आधारभुत विद्यालयको भवनमा सचेतना मुलक कार्यक्रम सम्पन्न भएको छ । विराटनगर महानगरपालिका वडानम्बर १५ मा आफन्त नेपालद्वारा गठित महिला समुह र सोही वडामा रहेको आमा समुहबिच सचेतना कार्यक्रम आयोजना गरिएको हो ।
सरकारको प्रतिबद्धता मानब बेचबिखन तथा ओसारपसार नियन्त्रणमा हामी सबैको ऐक्यबद्धता भन्ने मुल नाराका साथ १ दिने अभिमुखिकरण कार्यक्रम सन्चालन गरिएको हो । मानव बेच बिखन कसरी हुन्छ अनी त्यसबाट बच्ने उपायहरु सहित महिला माथि हुने हिंसा न्युनिकरणको बारेमा अभिमुखिकरण कार्यक्रममा छलफल भएको आफन्त नेपाल विराटनगरकी कार्यालय प्रमुख मनु रानाले जानकारी दिईन् ।
