विराटनगर । मोरङमा अप्राकृतिक मैथुन गर्ने एक ब्यक्तिलाई प्रहरीले पक्राउ गरेको छ । गत भदौ १७ गते राती करिब साँढे ९ बजेको समयमा मोरङको रतुवामाई नगरपालिका वडा नम्बर ७ गडिझार टोलका ४० बर्षीय डिल्लीबहादुर मगरलाई प्रहरीले पक्राउ गरेको हो ।
सोही स्थान बस्ने १४ बर्षिय सांकेतिक नाम सिजुवा (ख) लाई आफ्नै घरमा सुत्न बोलाई मलद्धारमा अप्राकृतिक मैथुन गरेको प्रहरीले जनाएको छ । तत्काल ईलाका प्रहरी कार्यालय सिजुवाबाट गएको प्रहरी टोलीले प्रहरी टोली खटी गई निजलाई नियन्त्रणमा लिएको जिल्ला प्रहरी कार्यालय मोरङका डिएसपी राजकुमार खिउजुले बताए । पक्राउ परेका ब्यक्तिलाई मुलकी अपराध संहिता २०७४ को अप्राकृतिक मैथुन अन्तर्गत अनुसन्धान भईरहेको उनले बताए।
