विराटनगर । विराटनगरमा रहेको पूर्वाञ्चल बाल सेवा आश्रमले पनि राष्ट्रिय वाल दिवस विविध कार्यक्रमको आयोजना गरी मनाएको छ ।
पूर्वाञ्चल बाल सेवा आश्रमले बाल दिवसका अवसरमा नृत्य तथा विभिन्न सांगीतिक कार्यक्रम गरेको छ । सोही अवसरमा आश्रममा आश्रित सम्पूर्ण बालबालिकाहरुले मैनबत्ती बालेर आफ्नो जन्म दिन पनि मनाएका छन् ।
कार्यक्रममा बोल्दै विराटनगर महानगरपालिकाकी उपमेयर इन्दिरा कार्कीले यो आर्थिक बर्षमा महानगरपालिकाले ३ लाख रकम आश्रमलाई प्रदान गरेको बताईन् । उनले महानगरपालिका आश्रमका बिषयमा संवेदनशील रहेको बताउदै आगामी दिनहरुमा पनि सहकार्य गर्न तयार रहेको बताईन् । सोही अवसरमा विभिन्न खेलमा सहभागी उत्कृष्ट बालबालिकाहरुलाई सम्मान गरिएको थियो । हाल आश्रममा ६५ जना बालबालिकाहरु रहेका छन् ।
