विराटनगर । झापामा खाल्डोको पानीमा डुबेर दुई बालकको ज्यान गएको छ । झापाको कमल गाउँपालिका ४ भुत्लुङखोलाको निर्माणधीन कल्भर्टको लागी खनेको खाल्डोमा डुबेर दुईजना बालकको ज्यान गएको हो । जमेको पानीमा पौडी खेल्ने क्रममा भोजपुर गुँरासे घरभई हजुरबुबा ज्ञानेन्द्र कुमार तामाङको घरमा बस्दै आएका बर्ष १४ का सुन्दर तामाङ र सोही स्थान बस्ने देवेन्द्र बुढाथोकीको छोरा बर्ष ११ को क्रेडिड बुढाथोकी ज्यान गएको प्रदेश प्रहरी कार्यालय विराटनगरले जनाएको छ ।
घरमा कसैलाई जानकारी नगराई पौडी खेल्न गएका उनीहरु रातीसम्मपनि घर नफर्किएपछि खोजतलाश गर्ने क्रममा आज विहान पानीमा डुबिरहेको अवस्थामा स्थानीयले फेला पारेको प्रहरीले जनाएको छ।
