इलाम । इलामको माई नगरपालिकाका प्रमुख दीपककुमार थेवेको पार्किङ गरेर राखिएको गाडीमुनि अज्ञात समुहले प्रेसर कुकर बम राखेको छ।
माई नगरपालिका–२ मा रहेको नगरप्रमुखको कम्पाउन्डमा राखिएको मे १ ज २९११ नम्बरको बोलेरो गाडीमुनि बम फेला परेको उनका चालक खगेन्द्र राईले बताए। तत्काल चारआलीमा रहेको नेपाली सेनाको बम डिस्पोजल टोलीलाई खबर गरेपछि ११ बजे डिस्पोज गरिएको थियो ।
नगर प्रमुख थेवेसँग केही समय अगाडी प्रकाश नाम गरेका व्यक्तिले ठूलो परिमाणमा रकम माग गरेको खुल्न आएको छ । घटनापछि बसेको नेकपा माई नगरपालिका कमिटी र सचिवालयको बैठकले बम राखिएकोमा भत्सर्ना गर्दै यसमा संलग्नलाई खोजी गर्न माग गरेको छ ।
