विराटनगर । आँउदै गरेको हिन्दुहरुको महान चाड दशैको अवसरमा राउण्ड टेवल न. ५ ले विराटनगरम ‘रमपम डाण्डिया रात्री २०१९’ हुने भएको छ । असोज ११ गते शनिवार विराटनगरको नमस्कार होटलमा कार्यक्रम गर्ने तयारी भएको राउण्टेवल ५ ले जनाएको हो । साँस्कृतिक कार्यक्रममा भारतको कलकत्ता, सिलगुडी र कालिमपोङदेखि बिभिन्न प्रसिद्ध कलाकार आउने राउण्ड टेवल ५ का अध्यक्ष अश्विनी बंशलले जानकारी दिए ।
कार्यक्रमको तयारी भव्य रुपमा भईरहेको र कार्यक्रममा करिब ८ सय दर्शकहरुको उपस्थिती रहने कार्यक्रम संयोजक पियुष लुनियाँ जानकारी दिए ।
कार्यक्रमबाट संकलन भएको रकमले विराटनगर हाटखोला स्थीत श्री शुशिक्षा निकुञ्ज आधारभुत विद्यालय र रंगेली स्थीत भगतराम चन्दा देवी आधारभुत विद्यालयको भौतिक पुर्बाधारमा सहयोग गरिने प्रवेश कुन्डलीयाले जानकारी दिए ।
