मोरङ, १० असोज । मोरङको पथरीशनिश्चरे नगरपालिका ३ मा आज दिउँसो ट्याक्टरको ठक्करबाट मोटरसाईकल चालकको ज्यान गएको छ। दिउँसो पथरी शनिश्चरे नगरपालिका ३ को भित्री सडकखण्डमा उत्तरबाट दक्षिण तर्फ जाँदै गरेको को २ त २८३२ नम्बरको ट्याक्टरले बिपरीत दिशाबाट आउँदै गरेको को २६ प ४४६४ नम्बरको मोटरसाईकललाई ठक्कर दिएको हो । ट्याक्टरको ठक्करबाट मोटरसाईकल चालक रतुवामाई नगरपालिका १० का ४६ बर्षीय बिमल न्यौपानेको ज्यान गएको हो । गम्भीर घाईते न्यौपालेको पथरी अस्पतालमा उपचारको क्रममा ज्यान गएकोे ईलाका प्रहरी कार्यालय पथरीले जनाएको छ । ट्याक्टर, ट्याक्टर चालक र मोटरसाईकल ईलाका प्रहरी कार्यालय पथरीको नियन्त्रणमा छ ।
