विराटनगर, १३ असोज ।
नेपाली कथानक चलचित्र ‘मिस्टर नेपाली’ को अर्को नयाँ गीत सार्वजनिक भएको छ । चलचित्र युनिटले चलचित्रमा समावेश ‘हे मेरा परदेशी दाजुभाई’ बोलको गीत फिल्मस्को युटुब च्यानलबाट सार्वजनिक गरिएको हो । आगामी कात्तिक २९ गतेबाट प्रदर्शनमा आउन लागेको चलचित्रलाई देव भुषालले निर्देशन गरेका हुन् । निर्देशक भुषालकै शब्द रहेको सार्वजनिक गीतमा सुभाष भुषालको संगीत र हेमन्त कान्छा रसाईलीको स्वर समावेश छ ।
यो मार्मिक गीतको भिडियोमा परदेशीने र परदेशीएका नेपालीहरुको पीडा बोलेको छ । चलचित्रमा अभिनेता भुबन केसी, रीमा विश्वकर्मा, बिष्णु सापकोटा, सुरेन्द्र केसी, कमलमणी नेपाल, रवि डंगोल , नव–कलाकार साहिल श्रेष्ठ र कुसुम राउत लगायतका कलाकारहरुको अभिनय रहेको छ । उक्त चलचित्रमा अभिनेता भुबन केसी दोहोरी भूमिकामा देखिदैछन् । हिमाल केसीको एक्सन रहेको चलचित्रमा सुभाष भुषाल र दिपक शर्माको संगीत, कविराज गहतराजको नृत्य निर्देशन छ ।
चलचित्रले विदेशमा रहेका नेपालीहरुको नेपाल प्रतिको मायालाई झल्काउने छ । प्रेमराज दाहालको लगानी रहेको चलचित्रका प्रोडक्शन डिजाइनर गणेश सापकोटा हुन् । यस अघि चलचित्रको गीत सार्वजनिक भईसकेको छ ।
https://www.youtube.com/watch?time_continue=2&v=49LELXn5UgY&fbclid=IwAR3GWeklJOpnp0bpcdGMRevjEeP2Fr-mytpZpyBlC4hYe7z-j-FS_UD2XQ4
