ताप्लेजुङ । मैवाखोला गाउँपालिका-३ साँघुको भस्मे खोल्साको काठको पूलवाट खसेर एकजनाको मृत्यु भएको छ। सोहि गाउँपालिका-४ सौरेनीका २९ वर्षीय सुरेन्द्र तामाङको मृत्यु भएको स्थानीय सुनीता शेपाले जानकारी दिइन्। बुधबार साँझ कामबाट घर फर्कने क्रममा लडेका सुरेन्द्रलाई बिहीबार बिहान स्थानीयले मृत फेला पारेपछि प्रहरीलाई खबर गरेका थिए। घटनास्थलमा इलाका प्रहरी कार्यालय दोभानवाट प्रहरी टोली गई कानुनी प्रक्रिया पूरा गरि शवलाई पोष्टमार्टमका लागि जिल्ला अस्पताल ल्याइएको प्रहरीले जनाएको छ।
