काठमाडौं । चिनियाँ राष्ट्रपति सी जिनपिङको नेपाल भ्रमणका क्रममा त्रिभुवन अन्तर्राष्ट्रिय विमानस्थल केही समय बन्द हुने भएको छ ।
त्रिभुवन अन्तर्राष्ट्रिय विमानस्थल नागरिक उड्डयन कार्यालयले सूचना जारी गर्दै सी काठमाडौं अवतरण र फर्किने क्रममा विमानस्थल केही समय बन्द हुने जनाएको छ । त्रिभुवन अन्तर्राष्ट्रिय विमानस्थल नागरिक उड्डयन कार्यालयकाे नोटाम (नोटिस टु एयरम्यान) अनुसार शनिबार दिउँसो २:५ देखि साँझ ५:२५ र सी फर्किने क्रममा पनि आइतबार बिहान ११:२० देखि दिउँसो १:५० सम्म विमानस्थल बन्द हुने छ ।
यस अवधीमा विमानस्थल आन्तरिक तथा अन्तर्राष्ट्रिय दुवै टर्मिनलका सबै सेवा ठप्प हुनेछन् । कार्यालयले यसबीचमा प्रभावित हुने सबै उडानको तालिका समेत सार्वजनिक गरेको छ ।
उडान अवतरणको व्यवस्थापनको लागि शनिबार र आइतबार विमानस्थल २४सै घण्टा सञ्चालनमा आउने छ ।
