काठमाण्डौ कार्तिक १८ , सत्तारुढ नेपाल कम्युनिष्ट पार्टीको सचिवालय बैठकले सातै प्रदेशका प्रमुखहरुको नाम टुंगो लगाएको छ ।
आइतबार सरकारको सिफारिसमा राष्ट्रपतिले सातै प्रदेश प्रमुखको पदमुक्त गरिएको थियाे । नेकपा सचिवालयले रिक्त रहेको प्रदेश प्रमुखको पदमा मनोनयन गर्न नेपाल सरकारसँग सिफारिस गर्ने निर्णय गरेको पार्टीका महासचिव विष्णु पौडेलले बताए ।
पार्टीले अमिक शेरचन, सोमनाथ अधिकारी प्यासी, तिलक परियार, धर्मनाथ यादव, गोविन्द कलोनी, विष्णु प्रसाईँ र शर्मिला त्रिपाठीको नाम सिफारिस गरेको छ ।
कुन प्रदेशका लागि कसलाई पठाउने भन्ने बारेमा के गर्ने भन्ने कुरा सरकारले राष्टपतिसँग सिफारिस गर्ने छ ।
उक्त उल्लेखित नाममा विष्णु प्रसाईँ झापाका रहेका छन् ।
