रबिन्द्र बराल
रंगेली । ईलाका प्रहरी कार्यलय झिलझिलेले ठुलो परिमाणको अबैध काठ बरामद गरेको छ । शिवसताक्षी नगरपालिका १० को दोमुखामा रहेको वनबाट सालको काठ चोरी तस्करी गरेको अबस्थामा प्रहरीले सो काठ बरामद गरेको हो ।
प्रहरीको बिशेष सुचनाका आधारमा ईलाका प्रहरी कार्यलयका प्रहरी निरीक्षक कोमल ठाकुरको कमाण्डमा गएको गस्तीटोलीले कनकाई माई खोलाको पश्चिम तर्फको किनारमा पानी भित्र लुकाई राखेको अबस्थामा सालको गोलिया बरामद भएको हो ।
प्रहरीले १५ थान गोलिया काठ बराबरको रहेको जनाएको छ । करिब ६ लाख रुपैयाँ बराबरको बारिसेकाठ आबश्यक कारबाहीको लागि कनकाई सव डिभिजन बन कार्याललय सुरुङ्गामा बुझाईएको प्रहरी निरीक्षक ठाकुरले बताए ।
