बिराटनगर मङ्सिर ३ ,
सार्वजनिक ठाउँमा ठेकेदारको तस्बिर टाँसेर नैतिक दबाब दिने क्रम बिराटनगरमा पनि सुरु भएको छ ।
प्रदेश नम्बर १ को राजधानी विराटनगरमा पनि विराटनगरवासीको आखामा ठेकेदार नभएर बिराटनगर महानगरपालिका प्रमुख भीम पराजुलीको तस्बिर टासिएको छ । सडक निर्माणमा ढिलो गरेको भन्दै विराटनगर–६ का स्थानीयले मेयर पराजुलीको तस्बिर सडकको पोलमा राखेका छन् ।
कोसी राजमार्गबाट बिराटनगरको शिवमन्दिर चोक हुँदै पश्चिमतर्फ जाने बाटो निर्माण नभएपछि स्थानीयले मेयरको फोटो राखेर विरोध जनाएका हुन्। उक्त तस्बिरमा लेखिएको छ ‘हाम्रो विराटनगर, राम्रो विराटनगर’ , साथमा मेयर पराजुलीको तस्बिर पनि रहेको छ ।
