काठमाडौं– पूर्व युवराज्ञी तथा हिमानी ट्रस्टकी अध्यक्ष हिमानी शाह पछिल्लो समय सामाजिक कार्यमा मात्र होइन सार्वजनिक कार्यक्रममा समेत सहभागी हुन थालेकी छिन् ।
गत विहीबार नायिका मनिषा कोइरालाका बाबु–आमाको वैवाहिक वर्षगाँठको विशेष कार्यक्रममा समेत उनी सहभागी भएकी थिइन् ।
उनले कार्यक्रममा सहभागी हुँदै मनिषाका बाबा र आमालाई बधाई तथा शुभकामना दिइन् ।
नेपालको प्रजातान्त्रिक आन्दोलनका अग्रज तथा लोकप्रिय नेता बीपी कोइरालाका ज्येष्ठ पुत्र प्रकाश कोइराला र उनकी धर्मपत्नी सुष्मा कोइरालाले आफनो विवाहको पचास बर्ष पुगेको अवसरलाई सुवर्ण उत्सवको रुपमा मनाएका थिए ।
मातापिताको विवाह वर्षगाँठ मनाउन छोरी मनिषा र छोरा सिद्धार्थले काठमाडौको लाजिम्पाटस्थित एक होटेलमा आफ्ना इष्ट मित्र तथा पाहुनाहरुका लागि जलपानको आयोजना गरेका थिए ।
कोइराला दम्पतीको ५० औं वेडिङ एनिभर्सरीको विशेष कार्यक्रममा पूर्वयुवराज्ञी हिमानी शाह आफ्ना ससुरा पूर्वराजा ज्ञानेन्द्र शाहको बधाई र शुभकामना लिएर पुगेकी थिइन् ।
