काठमाडौं, पुस २० । आजबाट मौसममा क्रमिक सुधार आउने छ । लगातार तीन दिनदेखि खराब भएको मौसममा आजबाट सुधार आएने मौसम पुर्वानुमान महाशाखाले जनाएको छ ।
महाशाखाका अनुसार देशको पहाडी भुभाग लगायत उच्च हिमाली भुभागहरुमा आंशिक बदली रही बाँकी भुभागमा मौसम सामान्यतया सफा रहने छ ।
काठमाडौंको मौसम पनि सामान्यतया सफा रहने महाशाखाले जनाएको छ । काठमाडौंको आज बिहानको न्यूनतम् तापक्रम ६ डिग्री सेल्सियस रह्यो भने दिउँसोको अधिकतम् तापक्रम १३ देखि १५ डिग्री सेल्सियसबीच रहने महाशाखाले जनाएको छ ।
मौसम खुले पनि बिहान र बेलुका चिसो रही रहने हुनाले चिसोबाट जोगिन हुन महाशाखाले सबैमा अनुरोध गरेको छ ।
