सिरहा । सिरहा गोलबजार नगरपालिका ७, चोहर्वाबाट अवैध लागुऔषध ब्राउन सुगरसहित दुईजना पक्राउ परेका छन् । पक्राउ पर्नेमा सोही ठाउँ बस्ने २५ वर्षीय कृष्ण यादव र २० वर्षीय प्रवेश महतो छन् ।
उनीहरूको साथबाट ब्राउन सुगरको पोका ३० थान, मोबाइल ७ थान र नगद १५ हजार ९ सय ७५ रुपैयाँ बरामद भएको छ ।
इलाका प्रहरी कार्यालय गोलबजारबाट खटिएको प्रहरीले यादवले आफ्नै घरमा लुकाइ राखेको ब्राउन सुगरसहित उनीहरूलाई पक्राउ गरेको हो ।
