विराटनगर । सुनसरीमा अटो पल्टिँदा एकको ज्यान गएको छ ।
सुनसरीको रामधुनी नगरपालिका–१ सैनीमैनीमा अटो टेम्पो पल्टिँदा चालकको मृत्यु भएको हो । बिहीबार राति सैनीमैनीस्थित भित्री सडक खण्डमा को२ह ६२६३ नम्बरको टेम्पो आफै अनियन्त्रित भई दुर्घटना हुँदा घाइते भएका चालक इनरुवा नगरपालिका–७ का ३५ वर्षीय नन्दराज खवासलाई उपचारको लागि इटहरीको एपेक्स अस्पताल लैजाने क्रममा बाटोमा नै मृत्यु भएको जिल्ला प्रहरी कार्यालय सुनसरीले जनाएको छ ।
