राजविराज : भारतबाट लागुऔषध ल्याइरहेका सप्तरीका दुई युवालाई सप्तरी प्रहरीले सीमा क्षेत्रबाट पक्राउ गरेको छ । सप्तरीको तिलाठी कोईलाडी ५ बनरझुलास्थित बाँधबाट प्रहरीले अग्निसाइर कृष्णसवरण गाउँपालिका ४ बस्ने २१ वर्षीय आजाद हुसेन र २२ वर्षीय बैजु साहलाई पक्राउ गरेको सप्तरी प्रहरीले जनाएको छ ।
उनीहरु स. १० प ४५१५ नम्बरको मोटरसाइकलमा भारतबाट नेपाल आएका बेला सीमा क्षेत्रबाट पक्राउ परेका हुन् । मोटरसाइकल रोकी चेकजाँच गर्दा उनीहरुको साथबाट फेनारगन इञ्जेक्सन ७ वटा तथा डाइजेलेप र लुपिनोसिक इञ्जेक्सन ६÷६ वटा फेला परेको डीएसपी तिलक भारतीले बताए ।
प्रकाउ परेका दुवैजमाथि अनुसन्धान भइरहेको प्रहरीले जनाएको छ।
