काठमाडौ उपत्यका बाहिर अव दैनिक एक हजार जनाको कोरोना भाइरस (कोभिड १९) जाँच हुने भएको छ । सरकारले तत्काल सञ्चालन गर्न सक्ने अवस्थामा रहेका दीर्घकालीन ल्याव र स्तरोन्नति गर्नुपर्ने स्थानमा प्रोटेवल पीसीआर ल्यावबाट जाँच सुरु गर्न लागेको हो ।
हाल उपत्यका बाहिरकोलागि धरानमा परीक्षण सुरु भइसकेको छ भने हेटौडामा रहेको किटजन्य रोग अनुसन्धान केन्द्रको ल्याव तत्काल सञ्चालन गर्न सक्ने अवस्थामा रहेका स्वास्थ्य मन्त्रालयले जनाएको छ ।
अन्य प्रदेशको लागि आइतवार चीनबाट आएका प्रोटेवल ल्याव पठाउने तयारी गरेको छ । चीनबाट ल्याएको पाचओटै प्रोटेवल पीसीआर मेसिन सही अवस्थामा रहेको र तत्कालै प्रदेशमा पठाउने तयारीमा रहेको कोभिड १९ प्रयोगशाला व्यवस्थापन समितिका पुष्पराज खनालले जानकारी दिनुभयो ।
सरकारले जाचलाई तीव्रता दिन प्रदेश २ को जनकपुर, प्रदेश ५ को बुटवल, कर्लाली प्रदेशको सुर्खेत र सुदुर पश्चिमको धनगढीबाट तत्काल प्रोटेपवल पीसीआरबाट जाँच सुरु गर्ने तयारी गरेको छ ।
प्रोटेवल पीसीआरबाट परीक्षण सुरु गरेसंगै प्रदेश २ मा जनकपुर अस्पतालमा रहेको ल्यावलाइ स्तरोन्नति गरी सञ्चालनमा ल्याउन जनशक्ति पठाइसकिएको मन्त्रालयले जनाएको छ । त्यसैगरी बागमती प्रदेशमा काठमाडौ बाहिर हेटौडामा रहेको किटजन्य रोग नियन्त्रण केन्द्रमा रहेको प्रयोगशालाई प्रयोगमा ल्याउन विज्ञको टिम आइतवार नै त्यता गइसकेको खनालले जानकारी दिनुभयो ।
गण्डकी प्रदेशमा पोखरा स्वास्थ्य विज्ञान प्रतिष्ठान शिक्षण अस्पतालको प्रयोशगाला, प्रदेश ५ मा प्रदेश अस्पताल बुटवल र भेरी अस्पताल नेपालगञ्जको ल्यावलाइ स्तरोन्नति गरी सञ्चालनमा ल्याउने मन्त्रालयको तयारी रहेको छ । त्यस्तै कर्णाली प्रादेशीक अस्पताल र सुदूर पश्चिम प्रादेशीक अस्पतालमा पनि ल्याव स्तरोन्नति गर्न टोली खटिइसकेको मन्त्रालयका नीति योजना महाशाखा प्रमुख डा गुणराज लोहोनीले जानकारी दिनुभयो ।
