प्रधानमन्त्री केपी शर्मा ओलीले आज अपराह्न ४ बजे बालुवाटारमा मन्त्रिपरिषद बैठक डाक्नुभएको छ ।
मुलुकमा कोरोना भाइरस संक्रमण न्यूनीकरणका लागि जारी गरिएको लकडाउनको समय बढाउने वा नबढाउने भन्ने विषय र अन्य समसायिक विषयमा छलफलका लागि बैठक डाकिएको स्रोतले जनाएको छ ।
पछिल्लो समय विवादमा परेको स्वास्थ्य सामग्री खरिदका सम्बन्धमा पनि आजको बैठकमा छलफल हुने बताइएको छ ।मन्त्रीपरिषद बैठकअघि केन्द्रीय कोरोना रोकथाम तथा नियन्त्रण समन्वय उच्चस्तरीय समितिको बैठक बस्ने जनाइएको छ ।
