उदयपुर, वैशाख ३। उदयपुरको त्रियुगा नगरपालिका–३, भुल्केस्थित मस्जिदमा बसेका १२ जना भारतीय नागरिक र चारजना नेपालीलाई मंगलबार जिल्ला प्रशासन कार्यालयले नियन्त्रणमा लिएको छ ।
उनीहरुलाई स्थानीयको सूचनाको आधारमा प्रशासनले नियन्त्रणमा लिएको हो । उनीहरु सबै मुस्लिम समुदायका हुन् ।
१२ जना भारतीयले आफूहरु ‘लकडाउन’अगाडि नै आएको र लकडाउनका कारण फर्कन नपाएको दाबी गरेका छन् ।
स्थानीयले भने लकडाउनभन्दा पछि चोरबाटो हुँदै उनीहरु आएको बताएका छन् ।
उनीहरु सबैको स्वाब परीक्षणको नमुना संकलन गरिने जिल्ला स्वास्थ्य कार्यालय उदयपुरका प्रमुख मोहन सुवेदीले जानकारी दिए ।
