नेपालमा कोरोना (कोभिड–१९) भाइरस संक्रमण हुनेको संख्या बढिरहेको छ । विषेशगरी प्रदेश नम्बर १ मा पनि संक्रमित बढ्दै गएको अवस्थामा सबै नगरपालिका तथा गाउँपालिकाहरु सचेत भएको अवस्था रहेको छ ।
यसै महामारीको सम्भावित जोखिमलाई मध्यनजर गर्दै मोरङको लेटाङ नगरपालिकाले पनि नगरक्षेत्र सिल गर्ने निर्णय गरेको छ ।
लेटाङमा जेठ ९ गते राति १२ बजेदेखि जेठ १२ गते सोमबार मध्यरातिसम्म नगर क्षेत्र सिल गर्ने निर्णय भएको लेटाङ नगरपालिकाका नगर प्रमुख शंकर राईले जानकारी दिए ।
लेटाङमा अन्य ठाउँबाट मानिसहरूको प्रवेश तथा अत्यावश्यक बाहेक कुनै व्यावसाय तथा सवारीसाधन चलाउन पुर्ण बन्देज लगाएको छ । नगर कार्यपालिकाको बैठकले उक्त अवधिमा नगर क्षेत्रभित्र हिँडडुल गर्नसमेत रोक लगाउने निर्णय गरेको छ ।
