नयाँदिल्ली । बलिउड अभिनेता किरण कुमारमा कोरोना भाइरसको संक्रमण देखिएको छ । समाचार एजेन्सी पीटीआईले अभिनेता किरण कुमारलाई कोरोना संक्रमणको पुष्टि गरेको छ ।
समाचारमा उनी आफ्नै निवासमा क्वारेन्टाइन रहेको उल्लेख छ । ७४ वर्षीय अभिनेता किरण कुमारले आफूमा संक्रमणको कुनै लक्षण नदेखिएको बताएका छन् ।
‘धडकन’, ‘मुझसे दोस्ती करोगे’ जस्ता फिल्ममा काम गरिसकेका किरण कुमारले भने, “१४ मेमा जाँचका लागि अस्पताल गएको थिएँ । अस्पतालमा कोभिड–१९ को जाँच जरुरी थियो । त्यसैले मैले टेस्ट गराएँ । टेस्टको रिजल्ट पोजेटिभ आयो ।”
उनले कोरोना परीक्षणअघि र पछि पनि आफूमा कुनै लक्षण नदेखिएको पनि बताएका छन् । -बीबीसी
