२५ असार २०७७, बिहीबार

कोरोनाको प्रभाव कम भएको स्थानमा शैक्षिक संस्था खोल्न हिसानको माग

उच्च शिक्षालय तथा माध्यमिक विद्यालय संघ नेपाल (हिसान) ले कोरोना भाइरसको असर नदेखिएको ठाउँमा शैक्षिक संस्था खोल्न र स्थगित भएका विद्यालय तहदेखि विश्वविद्यालयका परीक्षाको तालिका सार्वजनिक गर्न सरकारसँग माग गरेको छ ।

हिसानले भर्ना, परीक्षा, सहुलियतलगायत माग राखी प्रधानमन्त्री तथा मन्त्रिपरिषद्को कार्यालय, उपप्रधान तथा रक्षामन्त्री तथा कोभिड १९ रोकथाम तथा नियन्त्रण उच्चस्तरीय समितिका संयोजक, अर्थमन्त्री र शिक्षामन्त्रीलाई मंगलबार ध्यानाकर्षण पत्र बुझाएको छ ।

कोरोना संक्रमणको त्रासबाट मानसिक एवं शारीरिक रूपबाट विद्यार्थीलाई मुक्त गर्न, अभिभावक र नागरिक समाजलाई सचेत र आश्वस्त तुल्याउन, विद्यालय तथा कलेजहरूलाई यथाशीघ्र छिटो खुल्ने वातावरण बनाई पठनपाठन तथा परीक्षालाई सुचारु गर्न हिसानले ध्यानाकर्षण गराएको छ । कोरोनाको खासै असर नपरेको क्षेत्रमा तुरुन्त र अन्य क्षेत्रमा क्रमशः सुरक्षित र व्यवस्थित तरिकाले खोल्ने वातावरण बनाउन माग गरेको छ ।

लामो समयसम्म शैक्षिक गतिविधि ठप्प रहेकाले दीर्घकालीन असर पर्न नदिन र न्यायोचित समाधानका लागि सरकारलाई ध्यानाकर्षण गराएको हिसानका महासचिव लोकबहादुर भण्डारीले बताए । भर्ना प्रक्रियालाई सतर्कतापूर्वक सुरक्षित विधि अपनाई सरल तरिकाले तुरुन्त अगाडि बढाउन र पाठ्यपुस्तक सहज रूपमा विद्यालयमा वितरणको व्यवस्था गर्नुपर्नेबारे ध्यानाकर्षण गराएको छ ।

यो खबर पढेर तपाईलाई कस्तो महसुस भयो ?

Loading spinner

सम्बंधित खबरहरु



COVID-19 Stat: 2020-7-8

Country Confirmed Death
Nepal1642335
India76729621129
China849504641
Malaysia8677121
Qatar101553138
Australia9056106
US3054699132300
Saudi Arabia2201442059