सरकारले जारी लकडाउनमा केही खुकुलो गर्ने निर्णय गरे पनि मनोरञ्जनका क्षेत्रले भने यो सुविधा पाउने छैनन् ।
लकडाउन–लुजडाउनको मोडालिटीमा सिनेमा हल, डान्स बार, मेला,महोत्सवलगायत सम्पूर्ण मनोरञ्जनका क्षेत्र बन्द रहने हिजो बसेको मन्त्रिपरिषद बैठकले निर्णय गरेको छ ।
सम्पूर्ण मनोरञ्जनका क्षेत्र भनेर समेटेसँगै चलचित्रका अलावा सांगीतिक क्षेत्र पनि यसमै समेटिएको छ । गायक, गायिकाले स्टुडियोमा गएर गीतसंगीतको काम पनि गर्न नपाउने भएका छन् ।
२५ जनाभन्दा धेरै जम्मा हुने कुनै पनि कार्य नगर्ने सरकारको नीति भए पनि मनोरञ्जनका सबै क्षेत्र भनेर समेटेका कारण स्टुडियोमा गीत रेकर्डिङ पनि यसैभित्र समेटिएको छ ।
