विराटनगर । थलाहा खोलामा हामफालेर बेपत्ता भएका सुनसरी गढी गाउँपालिका–२ मुसहरी टोलका ४२ बर्षीय बब्लु भनिने बलराम ऋषिदेव मृत फेला परेका छन् ।
दुई दिन अगाडी आइतबार बिहान १० बजे पानीट्याङकी छेउबाट खोलामा हाम फाली बेपत्ता भएका ऋषिदेवलाई खोजतलास गर्ने क्रममा मंगलबार साढे ९ बजे मृत फेला पारिएको हो ।
प्रहरीका अनुसार उनी हाम फालेको स्थान भन्दा करिब २ किलोमिटर दक्षिण सोही खोलामा जीलेवीको रुखमा अड्किरहेको अवस्थामा मृत फेला परेका थिए ।
ईलाका प्रहरी कार्यालय दुहवीले मृतकको कानूनी प्रकृया पुरा गरी थप अनुसन्धान गरिरहेको प्रहरीले जनाइएको छ ।
