प्रहरीले कृष्णगनरको लक्ष्मीनगरमा लकडाउनको बेला युवालाई मास्क लगाउन आग्रह गर्दा दुई प्रहरीमाथि हातपात भएको छ । स्थानीय दुई दर्जन युवाले प्रहरीमाथि दुव्र्यवहार र हातपात गरेको इलाका प्रहरी कार्यालय कृष्णनगरका प्रहरी निरीक्षक प्रताप पौडेलले बताए ।
घटनामा गाडीचालक प्रहरी हवल्दार दीपक श्रेष्ठ सामान्य घाइते भएका छन् । उनलाई बहादुरगंज अस्पतालमा उपचार गराई बिहीबार साँझ नै इलाका प्रहरी कार्यालय पठाइएको थियो । प्रहरी निरीक्षक पौडेलले मास्क नलाएका युवालाई आग्रह गर्दा उनीहरूले दुव्र्यवहार गरेको बताए । ‘घटना सामान्य हो तर यस्ता घटनाले प्रहरीको मनोबलमा असर पार्छ,’ उनले भने । घटनापछि दुई युवालाई प्रहरीले नियन्त्रणमा लिएको छ ।
