विराटनगर । बलात्कारको घटनामा संलग्न अपराधीलाई आजिवन सजाय दिनुपर्ने भन्दै विराटनगरमा युवाहरुले कालो कपडा लगाएर प्रर्दशन गरेका छन् ।
स्थानीय विद्यार्थी तथा युवाहरुले शनिबार दिउँसो बलात्कारीलाई फाँसीको सजाय वा आजिवन सजाय दिनुपर्ने भन्दै सांकेतिक रुपमा नाच्दै विरोध प्रर्दशन गरेका हुन् ।
दैनिक ३ जनासम्म महिलाहरु बलात्कारका घटना हुन थालेपछि सरकार विरुद्ध कोरोना महामारीको विषम परिस्थितिमा न्यायको माग राख्दै सडकमा उत्रिन बाध्य भएको सहभागीहरुले बताएका छन् ।
महिला राष्ट्रपति भएको देशका महिला नागरिकहरु अझै पनि असुरक्षित रहेको भन्दै सरकार अफै पनि मौन रहेको भन्दै उनीहरुले विगत केही दिन यता विभिन्न नारा अकिंत टिसर्ट र व्यानर बोकेर सडकमा विरोध प्रदर्र्शन गर्दै आएका छन् । सहभागी सबैले कालो लुगा लगाएर सरकारलाई खबरदारी गर्दै आएका छन् ।
तस्वीर : प्रेम देवान
