विराटनगर । मोरङ प्रहरीले अवैध रुपमा भारतबाट नेपाल भित्र्याइएको कपडा, किराना तथा कस्मेटिकका सामानहरु बरामद गरेको छ ।
प्रहरीले विराटनगर–१६ दरैयाका राहुल रायको घरबाटै कपडा तथा चुरा फेला पारि नियन्त्रणमा लिइएको छ ।
भारतबाट अवैध सामान ल्याएर घरमा लुकाएको विशेष सूचनाका आधारमा प्रहरीले रायको घरमा छापा मार्दा १ लाख ६७ हजार ३०० मूल्य बराबरको कपडा र चुरा बरामद गरेको मोरङका प्रहरी नायव उपरीक्षक मानबहादुर राईले जानकारी दिनुभयो ।
यसैगरी विराटनगर–९ मा बेवारिसे अवस्थामा रहेको १ लाख ४५ हजार ३०० मूल्य बराबदरको कपडा तथा किरानाको सामान फेला पारि भन्सार कार्यालयमा बुझाइएको प्रहरीको दावी छ । प्रहरीले सडक किरानाबाट बरामद गरेको कपडा तथा किरानाका सामान भारतबाट अवैध रुपमा ल्याएको बताएको छ ।
