"गिरिजा प्रसाद कोईराला स्मृति कप फूटबल प्रतियोगिता"को आज दोश्रो दिनको खेलमा मिलन चौक युवा क्लब बिजयी भएको छ । पिण्डेश्वरी युवा क्लब र मिलन चौक युवा क्लबको बिचमा भएको खेलको पहिलो हाल्फमा नै मिलन चौक युवा क्लबले गोल गरेको थियो ।
त्यसको जवाफमा पिण्डेश्वरी युवा क्लबले पनि एक गोल फर्काएपछि खेलको पुरा ९० मिनेट सकिदाँसम्म बराबरी भएको थियो ।तर रेफ्रिले थपेको थपेको ५ मिनेटको अतिरिक्त समयमा मिलन चौक युवा क्लबले थप एक गोल गर्दै २-१ को अग्रतामा खेल माथि बिजयी भएको थियो ।
गिरिजाप्रसाद कोइराला फाउन्डेसन र लोयल युथ कम्युनिटिको आयोजनामा जहदा गाउँपालिकाको मझारेमा भईरहेको प्रतियोगिताको उद्घाटन हिजो शनिवार भएको थियो । प्रतियोगितामा भोली रेस्ट डे रहेको र मंगलबार हुने खेल जहदा युवा क्लब र धनपालथान युवा क्लब बिच खेल हुने आयोजक लोयल युथ कम्युनिटिका सचिव प्रशान्त मण्डलले बताए । 
