विराटनगर । माध्यमिक शिक्षा परीक्षा (एसईई) परीक्षा २०७८ जेठ १३ गतेदेखि सन्चालन हुने भएको छ । कोरोना संक्रमणका कारण प्रभावित बनेको २०७७ सालको एसईईको मिति निर्धारण गरिएको हो ।
राष्ट्रिय परीक्षा बोर्डको बैठकले जेठ १३ गतेदेखि २४ गतेसम्म परीक्षा सन्चालन गर्ने निर्णय गरेको बोर्ड सदस्य सचिव दुर्गाप्रसाद अर्यालले जानकारी दिनुभयो । शैक्षिक सत्र नै प्रभावित बनेका कारण चैतमा हुनुपर्ने एसईई जेठमा पुगेको छ ।
