काठमाडौंमा जारी नेपाल सुपर लिग (एनएसएल) मा विराटनगर सिटी फुटबल क्लबले पहिलो खेल फराकिलो अन्तरले जित्दै उत्कृष्ट सुरुवात गरेको छ ।
आज आइतबार दिउँसो दशरथ रंगशालामा भएको खेलमा धनगढी फुटबल क्लबलाई ३-० गोलको फराकिलो अन्तरले पराजित गरेको हो ।
विराटनगरका लागि विक्रम धिमाल, एडेजाला र सन्तोष तामाङले गोल गरेका हुन् ।
विक्रम धिमालले खेलको १५ औं मिनेटमा सिक्स यार्डभित्रबाट गोल गरे । यस्तै खेलको ५७ मिनेटमा एडेजालाले उत्कृष्ट फिनिसिङ गर्दै गोल गरे भने ६९ औं मिनेटमा
सन्तोष तामाङले गोल गरेका हुन् ।
