विराटनगर
कोरोना सङ्क्रमण पुष्टि भएपछि उपचारका लागि विपि कोइराला स्वास्थ्य विज्ञान प्रतिष्ठान, धरानमा भर्ना भएका विराटनगरका अर्का एक पुरुषको पनि मृत्यु भएको छ । मृत्यु हुनेमा विराटनगर महानगरपालिका– १५ का ५६ वर्षीय पुरुष रहेका छन्।
नोबेल मेडिकल कलेजले उपचारका लागि उनलाई धरान रेफर गरेको थियो। उनको सोमबार राति साढे ९ बजे मृत्यु भएको अस्पताल प्रसाशनले जनाएको छ।
उनलाई वैशाख ७ गते कोरोना पोजेटिभ देखिएका उनलाई वैशाख ९ गते अस्पताल भर्ना भएका उनको प्रतिष्ठानको कोभिड १९ अस्पतालमा मृत्यु भएको प्रतिष्ठानका सहप्रवक्ता डाक्टर चुडामणि पोखरेलले जानकारी दिए । मृतक पुरुषलाई मधुमेह र उच्चरक्तचापको समस्या रहेको पनि उनले बताए।
विपि कोइराला स्वास्थ्य विज्ञान प्रतिष्ठानमा सोमबार दिउँसो विराटनगरकै ७५ वर्षीय वृद्ध पुरुषको मृत्यु भएको थियो । विराटनगर महानगरपालिका– १२ का ७५ वर्षीय वृद्ध पुरुषको सोमबार दिउँसो १:५५ मा मृत्यु भएको थियो।
