विराटनगर । विराटनगरका विभिन्न क्षेत्रमा गत २२ गते यता दिनभरीको विद्युत अवरुद्ध भईरहेको छ । विभिन्न क्षेत्रमा बिहान ८ बजेदेखि साँझ ६ बजेसम्म भईरहेको विद्युत अवरुद्धको कारण उपकरणको मर्मत र अपग्रेडेसन रहेको छ। मोरङको टंकीसिनवारी स्थित रहेको ३३-११ के.भी सव स्टेशनमा नयाँ ब्रेकर राख्नुपर्ने भएका कारण भोली बुधबार बुलेकासम्म विधुत लाईन अवरुद्ध हुने विधुत प्राधिकरण विराटनगरले जनाएको छ ।
टंकीमा रहेको पुराना ब्रेकर हटाएर नयाँ राख्नुपर्ने भएका कारण विगत ६ दिनदेखी निरन्तर रुपमा दिउसोको समयमा विधुत लाईन अवरुद्ध भएको विधुत प्राधिकरण विराटनगरका प्रमुख मिथिलेश कुमार गोहीवारले जानकारी दिनुभयो ।
वितरण केन्द्रबाट विभिन्न फिडरहरुमा लाईन अवरुद्ध हुने भएका कारण सेवाग्राहीमा पुग्न गएको असुविधा प्रति विधुत प्राधिकरणले क्षमा प्राथी समेत मागेको छ । यता गर्मीको समयमा दिनभरी दैनिकी लाईन अवरुद्ध भएपछि सेवाग्राहीले आक्रोस पोख्दै आएका छन् ।
