विराटनगर । भारतमा विभिन्न अपराधिक क्रियाकलापमा संलग्न भइ फरार भएका भारतिय नागरिक पेस्तोल र लागुऔषध सहित विराटनगरबाट पक्राउ परेका छन् । भारतीय प्रहरीको फरार सूचीमा रहेका जोगबनी नगर पञ्चायत–९ इन्द्रा नगरका ४१ वर्षीय पप्पु कुमार पटेल कटुवा पेस्तोल र ठूलो मात्रामा लागूऔषधसहित पक्राउ परेका हुन् ।
सशस्त्र प्रहरीको बोर्डर आउट पोस्ट रानी विराटनगरका सशस्त्र प्रहरी निरीक्षक मौसम पोखरेलको कमाण्डमा खटिएको टोलीले विराटनगर–१६ हुलास चौक दक्षिणगेटबाट रातको समयमा पक्राउ गरिएको हो । सशस्त्र प्रहरी निरीक्षक पोखरेलले पेस्तोल र लागूऔषधसहित सीमा ९जङ्गे सीमा स्तम्भ १८० नम्बर० नजिक डम्पिङ साईटको बाटो भएर नेपाल आउने क्रममा बुधबार राती साढे १० बजे पप्पु पक्राउ गरेको जानकारी दिनुभयो ।
पटेलले थोत्रा बोरा भित्र कटुवा पेस्तोल र २ किसिमको लागु औषध नेपाल तर्फ भित्राउने क्रममा सो सामाग्री बरामद गरेको थियो । बोराभित्र लागुऔषध एभिल इन्जेक्सन २ सय ९२ एम्पुल र लुपिजेसिक इन्जेक्सन २ सय ९५ एम्पुल बरामद गरेको छ । पक्राउ परेका पप्पुले यसअघि भारतीय व्यापारीहरूसँग पेस्तोल देखाएर चन्दा असुली गरेको आरोप छ । पक्राउ परेका पटेलललाई राती नै ईलाका प्रहरी कार्यालय रानी विराटनगरमा थप अनुसन्धानको लागाी पठाएको छ ।
