विराटनगर
मोरङको रंगेली नगरपालिका १ मा रहेको सनरे बोर्डिङ स्कूल परिसर भित्र वृक्षारोपण गरिएको छ । उक्त वृक्षारोपण अम्बे मुरारी सेवा केन्द्र विराटनगरले आज स्कूलको खाली मैदानमा गरेको हो ।
केन्द्रले विभिन्न प्रजातिका बोटविरूवाहरू वृक्षारोपण गरेको संस्थापक अध्यक्ष भारती पोखरेलले जानकारी दिइन् । वृक्षारोपणमा केन्द्रका पदाधिकारी तथा स्कूलका प्रिन्सिपल केदार पौडेलको पनि सहभागिता रहेको थियो | यसअघि पनि सेवा केन्द्रले विराटनगर स्थित विराटेश्वर वृद्धाश्रमलाई पनि नगद ५० हजार रुपैयाँ सहयोग गरेको छ ।
