विराटनगर । मोरङ प्रहरीले विराटनगर महानगरपालिका क्षेत्रमा व्यवसायीलाई धाकधम्की दिएर रकम उठाएको आरोपमा दुईजनालाई पक्राउ गरेको छ । विराटनगर १२ बस्ने २७ वर्षीय शम्भु पासवान र विराटनगर–११ का २८ वर्षीय अजय पासवानलाई प्रहरीले बसपार्कबाट हिजो नियन्त्रणमा लिइएको हो ।
उनीहरुले धाकधम्की दिएर उठाएको नगद दश हजारसहित समेत प्रहरीले बरामद गरेको छ । प्रहरीले व्यवसायीलाई फोन गरेर तर्साउन प्रयोग गरिने दुईजना मोवायल समेत नियन्त्रणमा लिइएको छ । उनीहरु विरुद्ध अपराधिक लाभ लिएको कसूरमा जिल्ला अदालत मोरङबाट पाँच दिनको म्याद लिएर अनुसन्धान सुरुगरिएको मोरङ प्रहरीका प्रवक्ता प्रहरी नायव उपरीक्षक दिपक श्रेष्ठले जानकारी दिनुभयो ।
