विराटनगर । नेपाल मुद्रण उद्योग संघ मोरङको अध्यक्षमा सुभाष कार्की निर्वाचित भएका छन् । शनिबार सम्पन्न चौथो जिल्ला अधिवेशनबाट कार्की निर्विरोध निर्वाचित भएका हुन् । नवगठित समितिको उपाध्यक्षमा दिलिप अटल, सचिवमा बलराम गिरी, सह–सचिव कृष्ण ओझा र कोषाध्यक्षमा धर्मराज ढकाल निर्विरोध निर्वाचित भएका छन् ।
सदस्यहरूमा हरिप्रसाद दाहाल, गोकुल कार्की, राकेश गिरी र नदीम दानिस जमाली चुनिएको अध्यक्ष कार्कीले जानकारी दिए ।
लव घिमिरेको नेतृत्वमा रहेको निवर्तमान कार्यसमितिले मुद्रण संघ मोरङको भवन निर्माणस्थलका लागि जग्गा खरिद गरेको छ । नवनिर्वाचित कार्यसमितिलाई संघको भवन निर्माण गर्ने जिम्मेवारी छ ।
