रेखीराम राना
पाल्पा । पाल्पामा दुई जना पुरुषको मृत्यु भएको छ । एक जनाको रुखले च्यापिएर र अर्का एक जनाको लढेर मृत्यु भएको जिल्ला प्रहरी कार्यालय पाल्पाले जनाएको छ । जिल्लाको तानसेन–१३, छेर्लुङ्का ५० वर्षीय लक्ष्मण पाण्डेको रुखले च्यापिएर र तानसेन–१०, नयाँ पाटीका ७१ वर्षीय उदय सारुको लडेर मृत्यु भएको हो ।
प्रहरीका अनुसार बिहीबार आफन्तकोमा जादैँ गर्दा कुरुङ्खोला तर्ने क्रममा एक्कासी वरको रुख ढलेर लाग्दा पाण्डेको मृत्यु भएको हो । यस्तै शुक्रबार विहान तानसेन–८ नयाँपाटी खोल्सामा लढेर सारुको मृत्यु भएको जिल्ला प्रहरी कार्यालय पाल्पाका प्रहरी नायव उपरीक्षक रामेश्वर त्वातीले जानकारी दिनुभयो ।
घटनाको बारेमा थप अनुसन्धान कार्य भइरहेको उहाँले जानकारी दिनुभयो ।
