काठमाडौं । काठमाडौं महानगरपालिकाको वडा नं. ३२ कोटेश्वरबाट तास खेलिरहेको अवस्थामा पाँच जनालाई प्रहरीले पक्राउ गरेको छ । बीस बुक तास, छ लाख ५८ हजार ६३० नगदसहित तास खेलिरहेको अवस्थामा सोमबार प्रहरीले पाँच जनालाई पक्राउ गरेको हो ।
कोटेश्वरस्थित कोटदेवी मन्दिर नजिक ईश्वर कार्कीको घरमा जुवातास खेलाइरहेको विशेष सूचनाको आधारमा महानगरीय प्रहरी प्रभाग कोटेश्वरबाट परिचालन भएको टोलीले उहाँहरुलाई पक्राउ गरी महानगरीय प्रहरी प्रभाग कोटेश्वरमा बुझाएको छ ।
