विराटनगर । नेपाल बैंक लिमिटेडको प्रादेशिक कार्यालयले मोरङको सुन्दरहरैंचा नगरपालिका–३ बेलगाछीस्थित रणकाली मन्दिरलाई ९० वटा कुर्सी हस्तान्तरण गरेको छ ।
बैंकले आफ्नो सामाजिक उत्तरदायित्व अन्तर्गत मन्दिरलाई ५० हजार बराबरको कुर्सी हस्तान्तरण गरेको हो । बैंकका प्रदेश १ प्रमुख सुर्यप्रकाश भट्टले मन्दिर व्यवस्थापन समितिका अध्यक्ष डिल्ली प्रसाईलाई कुर्सी हस्तान्तरण गर्नुभयो ।
सो अवसरमा बैंकका इटहरी शाखा प्रबन्धक योगेश भट्टराई, विराटचोक शाखा प्रबन्धक रमेश कार्की, बजार अड्डा शाखा प्रमुख प्रकाश घिमिरे तथा विराटचोक शाखाका कर्मचारी योगेन्द्र प्रसाद दाहाल, ज्योशना कार्की र सुश्मा पुन लगायतको सहभागिता रहेको थियोे ।
