झापा । झापाको दमक नगरपालिका वडा ५ स्थित दिपेश भट्टराईको खाली घर कोठामा तास खेलिरहेको अबस्थामा ६ जनालाई नगद सहित पक्राउ गरिएको छ ।
पक्राउ पर्नेमा ईलाम चुलाचुली गाँउपालिका वडा ५ बस्ने ३९ बर्षिय सुमन सिंह राई, पाँचथर मिक्लाजुङ गाँउपालिका वडा १ बस्ने ४२ बर्षिय बबिन सुब्बा, दकम नगरपालिका वडा ५ बस्ने ५८ बर्षिय लक्ष्मी ढकाल, दमक वडा ५ बस्ने ३४ बर्षीया कमला राई, दमक वडा ५ बस्ने ४० बर्षीया बिमला तामाङ र कमल गाँउपालिका वडा ३ बस्ने ५१ बर्षिय राज कुमार खड्का रहेका छन् । आइतबार राती ६ बजे बिशेष सुचनाको आधारमा ईलाका प्रहरी कार्यालय दमकबाट खटिएको प्रहरी टोलीले उनिहरुलाई तास खेलिरहेकै अबस्थामा नगद रु.४० हजार र ३ बुङ तास सहित पक्राउ गरेको हो ।
पक्राउ परेका उनिहरुलाई ईलाका प्रहरी कार्यालय दमकबाट थप अनुसन्धान भईरहेको जनाएको छ ।
