विराटनगर । नेपाल बैंक लिमिटेडको विराटनगरस्थित बजार अड्डा शाखाले वित्तीय साक्षरता कार्यक्रम सम्पन्न गरेको छ ।
बैंकले मङ्गलबार विराटनगरको लर्ड बुद्ध कलेजमा उक्त कार्यक्रम सम्पन्न गरेको हो । कार्यक्रममा विद्यार्थीहरुलाई बैंकको डिजिटल प्रोडक्ट्स, अनलाईन बैंकिङ, सुभज्ञान बचत खाता तथा सहयात्री बचत खाता लगायत समग्र बैंकिङ क्षेत्रको बारेमा जानकारी दिइएको थियो ।
कार्यक्रममा भने नेपाल बैंक लिमिटेड प्रदेश नं. १ का प्रमुख सुर्यप्रकाश भट्ट र बैंकको बजार अड्डा शाखा प्रबन्धक प्रकाश घिमिरे सहित बैंकका कर्मचारी र विद्यार्थीहरु सहभागी थिए ।
